Чаллыда экологлар тарафыннан санкцияләнмәгән чүплекләр ачыкланды

2025 елның 27 мае, сишәмбе

Чаллы территориясен тикшерү барышында Кама буе идарәсе инспекторлары табигатьне саклау законнарын бозуны ачыкладылар.

Шәһәрнең Автозавод районында гомуми мәйданы 118 кв.м, күләме 25 куб.м булган санкцияләнмәгән көнкүреш чүплеге табылды.
Комсомол районында шулай ук гомуми мәйданы 59 кв.м, күләме 23 куб.м булган калдыкларны рөхсәтсез җыю урыны ачыкланды.

Чүплекләр урнашкан җир кишәрлекләренең милекчесе булып Чаллы шәһәре башкарма комитеты тора. Аның адресына хокук бозуларны бетерү кирәклеге турында кисәтүләр җибәрелде.