ЯҢАЛЫКЛАР
#ВместеЯрче дигән Энергияне сак тоту һәм экология россиякүләм фестиваленә булышлык күрсәтеп уздырылган социаль кампания кысаларында Әлмәт шәһәренең 7нче урта мәктәбендә һәм Буа шәһәренең М.М. Вахитов исемендәге гимназиясендә «Экология һәм энергия саклау» темасына экологик дәресләр үткәрелгән.
Ахатин – нәрсә, һәм ни белән туклана ул? Азнакай шәһәре гимназиясендә укучыларга үткәрелгән экология дәресендә бик тә әрсез һәм тавыш-тынсыз “җәнлек” – әкәм-төкәмнәр турында сөйләгәннәр.
Яңа Чишмә гимназиясендә үткәрелгән экология дәресендә 8нче сыйныф укучылары көнкүреш калдыкларын ташлау, сулыкларны пычрату, урманнарны саклау турында сөйләшкән. Чара викторина рәвешендә узган – балалар үзләренең проектлары һәм социаль-экологик плакатлары белән таныштырган.
10нчы урта гомуми белем бирү мәктәбенең 5нче сыйныф укучылары интеллектуаль квест үткәргән. Балалар “Чиста булачак!” хәрәкәте активистлары белән берлектә чүп савытына иң еш ыргытыла торган калдыкларга җентекле анализ ясаган. Укучылар шулай ук икенчел эшкәртүнең әйләнә-тирә мохит өчен иң куркынычсыз, иң кулай гамәл булып торуын аңлауга ирешкән.
Чаллы шәһәре 23 һәм 51нче мәктәпләрендә уздырылган экология дәресләрендә чүп, калдыкларны аерып җыю проблемаларын хәл кылуның системалы ысулы турында сөйләгәннәр.
Казан шәһәре аерым фәннәрне тирәнтен өйрәтү буенча 62 нче урта гомуми белем бирү мәктәбендә укучылар хәзер инде үзләре үк яшьтәшләренә полигонның нәрсә икәнен, чүпне ничек аерып җыярга, табигатьне саклау өчен нинди экологик гадәтләргә ияләшергә кирәклеген аңлатып бирә алачак.
Экологияне саклау нигезләренә өйрәтәләр. Татарстан Экология һәм табигать ресурслары министрлыгының Кама буе территориаль идарәсе хезмәткәрләре, Актаныш районы башкарма комитетының мәгариф идарәсе начальнигы Айнур Гыймадиев белән берлектә, Актаныш шәһәре 2нче урта мәктәбендә экологик чара үткәргән. Дәрес квестлар, катлаулы биремнәр рәвешендә узган. Укучылар, ике командага бүленеп, экологик эстафетада ярышкан.
Чүпне, уйламыйча-нитмичә, теләсә кайда ташлап калдыру нинди аянычлы нәтиҗәләргә китерергә мөмкин, калдыкларны ничек эшкәртергә? Татарстан Республикасы Экология һәм табигать ресурслары министрлыгының Кама буе территориаль идарәсе хезмәткәрләре Актаныш районы Зөбәер мәктәбе укучылары белән әнә шушы һәм башка сорауларга җаваплар эзләгән. Балаларга үзләренең торак пунктындагы экологик проблемалар турында сөйләүче ролик күрсәтелгән.
Мамадышта балалар экологияне өйрәнгән. Татарстан Республикасы Экология һәм табигать ресурслары министрлыгының Кама буе территориаль идарәсе хезмәткәрләре, Мәктәптән тыш эшләр үзәге белән берлектә, физик мөмкинлекләре чикләнгән балалар өчен экология дәресләре үткәргән.
Татарстан Республикасы Экология һәм табигать ресурслары министрлыгының күчмә экологик лабораториясе Чаллы шәһәре “Дуслык” 59нчы балалар бакчасына йөрүче сабыйлар янында кунак булып киткән. Кама буе территориаль идарәсе хезмәткәрләре балаларга су, һава, туфрактан ничек итеп пробалар алу турында сөйләгән һәм күрсәткән.