Экологлар Буа мәктәп укучыларын табигать серләре белән таныштырды
Идел аръягы идарәсе инспекторлары Буаның 2 нче лицеенда экология дәресе үткәрделәр. Экологлар балаларга ни өчен чүп-чар һәм коры үләнне яндырырга ярамый, табигатьне ничек кайгыртырга һәм ни өчен утны һәм суны экономияләргә кирәклеген аңлаттылар.
Экодәрестә укучылар танып белү мультфильмын карадылар һәм табышмакларга җавап бирделәр. Алар шулай ук хайваннар турында бик күп кызыклы фактлар да белделәр. Мәсәлән, төлкенең колагы бик яхшы ишетә, ә жирафның теле шулкадәр озын ки, ул аның колакларына кадәр барып җитә ала.
Балалар табигать турында кайгыртырга, өмәләргә чыгарга һәм калдыкларны сортларга аерырга: макулатура, батарея һәм пластик шешәләрне кабул итү пунктларына тапшырырга вәгъдә иттеләр.
Дәрес азагында укучыларга Министрлыктан «Экология мәктәбе» буяу китапларын бүләк иттеләр.
Исегезгә төшерәбез, мондый экодәресләр үсеп килүче буында табигатькә җаваплы мөнәсәбәт формалаштыра, бу исә «Экологик иминлек» илкүләм проектының максатларына ирешүгә ярдәм итә.