Кама буе идарәсе инспекторлары урман белән ничек дуслашырга һәм табигатьтә куркынычсыз ял итәргә икәнен сөйләделәр
Чаллы шәһәренең «Колокольчик» 22 нче балалар бакчасында табигатьтә куркынычсызлык кагыйдәләре турында экология дәресе узды.
Кама буе идарәсе инспекторлары балаларга урманда тарырга мөмкин булган куркынычлар турында сөйләделәр. Балалар таныш булмаган гөмбә һәм җиләкләрне татып карарга ярамаганын, ә кыргый җәнлекләр белән очрашканда дистанция тотарга һәм тынычлык сакларга кирәклеген белделәр.
Экологлар шулай ук, әгәр бала таныш булмаган урында ялгызы калса, ут белән эш итү кагыйдәләре һәм урманда ориентлашуның нәтиҗәле алымнары турында да аңлаттылар.
Дәрестә балалар табышмакларга җавап бирделәр, викторинада һәм «Хата тап» уенында катнаштылар, анда персонажларның дөрес булмаган гамәлләрен үзләре билгели һәм үз-үзләрен тотуның дөрес вариантлары турында фикер алыша алдылар.
Ахырда тәрбияләнүчеләргә әлеге кызыклы һәм танып белү фәнен алга таба өйрәнү өчен «Экология мәктәбе» буяу китаплары бүләк ителде.