Экологлар Чаллы мәктәп укучыларына калдыкларны икенчел эшкәртү турында сөйләделәр
Чаллы шәһәренең 8нче мәктәбендә табигатькә сакчыл караш, атап әйткәндә, чүп-чарны сортларга аеру турында экология дәресе үткәрелде. «Экологик иминлек» илкүләм проектына ярдәм йөзеннән чараны Кама буе идарәсе инспекторлары үткәрде.
Укучылар икенчел эшкәртү төшенчәсе белән таныштылар һәм гади көнкүреш предметларының ничек итеп икенче тормышка ия була алуын белделәр. Экологлар шулай ук пластик һәм пыяла кебек кайбер калдыклар утильләштерүгә аерым якын килүне таләп итә, дип аңлаттылар.
Укучылар чүп-чарны сортларга аеру буенча шәхси тәҗрибәләре белән уртаклаштылар. Мәсәлән, балалар аны фракцияләргә бүләләр, ә кайберләре өйләрендә иске электрониканы җыя һәм махсус җыю пунктларына илтә.
Белемнәрне ныгытырга экологик викторина ярдәм итте. Укучылар калдык категорияләре буенча предметларны дөрес бүлүдә бер-берсе белән ярыштылар. Барлык балалар да биремнәрне яхшы үтәделәр, ә иң мөһиме – табигатькә сакчыл мөнәсәбәтнең мөһимлеген истә калдырдылар.