Идел буе республикаларының һәм өлкәләренең табигатьне өйрәнүче яшь эзләнүчеләре А.М.Терентьев исемендәге фәнни экологик конференциядә катнашачак.

Казанда укучыларның А.М.Терентьев ис. XXIII Идел буе фәнни экологик конференциясе узачак. Мероприятие 4-5 февральдә “Дуслык” сәламәтләндерү-белем бирү үзәгендә (Дербышки, Прибольничная ур., 15) була. Конференциядә тезислар буенча сайлап алу этабын узган 8-11 сыйныф укучылары катнашачак. Конференция эше 8 секция буенча барачак:

• агроэкология;
• биоиндикация һәм биомониторинг;
• гомуми экология;
• су ресурсларын саклау һәм рациональ файдалану (юниорлар арасында Россия су конкурсының региональ этабы);
• табигать саклау буенча гамәли эшчәнлек;
• сәнәгать һәм химия экологиясе;
• биологик төрлелекне саклау;
• урбанизацияләнгән территорияләр экологиясе.

Конференция кысаларында юниорлар арасында Россия су конкурсының Татарстан Республикасы буенча региональ этабы булачак.

         Мероприятие ел саен уздырыла һәм укучыларның табигатьне саклау өлкәсендә фәнни-эзләнү һәм гамәли эшчәнлеген үстерүгә, табигый ресурсларга җаваплы мөнәсәбәт формалаштыруга юнәлтелгән. Оештыручылары – ТР Экология һәм табигый байлыклар министрлыгы булышлыгында, ТР ФА Экология һәм җир асты байлыкларыннан файдалану проблемалары институты белән берлектә ТР Мәгариф һәм фән министрлыгы.

ТР ЭТБМ матбугат хезмәте