Мәскәүдә “Экология елы” социаль рекламалар конкурсы уза.
“Мосприрода” ДТБУ Төньяк-көнчыгыш округы һәм Сокольники табигый территорияләре дирекциясе мәктәп укучыларын һәм мәктәпкәчә яшьтәгеләрне Бөтенроссия “Экология елы” социаль реклама конкурсында катнашырга чакыра. Конкурс экология проблемаларына, табигать белән, аның пычрануы һәм бу пычрануның нәтиҗәләре белән бәйле проблемаларга халыкның игътибарын җәлеп итүгә юнәлтелгән.
Иҗади конкурс түбәндәге номинацияләр буенча үткәрелә:
- плакат (А1-А3 форматлы битләрдә башкарылган эш);
- листовка (А5 яки кечерәк форматлы битләрдә башкарылган эш);
- буклет (А4 форматлы битне китап формасында урталай бөкләп башкарылган эш);
- промо-ролик (дәвамлылыгы 3 минуттан артмаган кыска фильм, интервью, постановка, мультипликация фильмы).
Иҗади эшне конкурста катнашучылар елның теләсә кайсы фасылыннан бер яки берничә тема буенча әзерләргә тиеш:
- Кыш (эшләр 2017 елның 28нче февраленә кадәр кабул ителә.)
- Халыкара энергия саклау көне (Электр энергиясен экономияләү ни өчен зарур?);
- Бөтендөнья тыюлыклар көне (Россиядә аеруча саклана торган табигый террритоияләрне саклау, үстерү һәм яңаларын оештыру).
- Яз (эшләр 2017 елның 1нче мартыннан 31нче майга кадәр кабул ителә)
- Урманны янгыннан саклагыз! (язгы ут кабулар, урманда тәртип кагыйдәләре);
- Су көне (суны экономияләү, төче су пычрану проблемалары);
- Җир көне (һәртөрле экологик проблемалар һәм аларны хәл итү, кеше һәм табигатьнең үзара мөнәсәбәтләре).
3. Җәй (эшләрне кабул итү 2017 елның 1нче июненнән 31нче августына кадәр)
- Чүпне эшкәртү (чүпнең артык күплеге проблемасы, бу проблеманы гаиләдә, мәктәптә, шәһәрдә, илдә хәл итү юллары);
- Калдыкларны икенчел файдалану (кирәксез әйберләрне икенчел файдалану темасына вариацияләр);
- Ирекле тема (катнашучы экологиядә аның өчен кызыклы булган тема яки проблемаларның теләсә кайсын сайлый һәм мөстәкыйль үстерә ала).
Материаллар ekopros-svao@mail.ru электрон почтасы буенча оештыру комитетына «Конкурс «Год экологии» дип билгеләп җибәрелергә тиеш.
ТР ЭТБМ матбугат хезмәте