Сәләт эко-проекты: 6 меңләп сәләтле бала һәм үсмер экологик белемнәр алачак
10 июльдә Биләр музей-тыюлыгы территориясендә Яшьләрнең V халыкара “Сәләт” белем форумы ачыла. Анда Татарстанның барлык районнарыннан, уннарча Россия төбәгеннән, якын һәм ерак чит илләрдән килгән 6 меңләп сәләтле бала һәм үсмер экологик белемнәр алачак. Быелгы форумның төп темасы – “Күңел экологиясеннән табигать экологиясенә”.
Экология министры Фәрит Габделганиев: “Министрлыкның бер бурычы – “Сәләт”тә катнашучыларны җәмәгать инспекторы булырга, ирекле нигездә министрлыкка ярдәм итәргә күндерү. Без җәй азагына кадәр Экология министрлыгында төзелә торган административ эшләрнең һәм алтынчысы җәмәгать инспекторлары биргән белешмәләргә нигезләнә башлар дип көтәбез”, – дип белдерде.
Форумның чатырлар шәһәрчегендә чүп-чарны аерым җыю оештырылачак. Аерым бер чатыр экология һәм әйләнә-тирәлеккә сак караш темасына багышлап корыла. Тагын бер яңалык – махсус велосипед-генератор ярдәмендә һәм теләүче үзенең мобиль телефонын корылмалый алачак. Шулай ук “мобиль эко-каралты” дигән инсталляция оештырылачак.
Министрлыкның матбугат хезмәте