Юннатлар бәйрәме
Казанның Экология-биология үзәгендә Россиядә юннатлар хәрәкәте һәм яшь экологларның “Эколятлар” бөтенроссия хәрәкәте төзелүгә багышланган бәйрәм үткәрелде. Ул Татарстан Экология һәм табигый байлыклар министрлыгының экологик белем бирү һәм җәмәгать оешмалары белән бәйләнешләр бүлегенең башкаручы белгече Елена Гыйльмеҗанованың тәбрик сүзе белән ачылды. “Без экологик юнәлешле күмәк чаралар үткәрүгә зур әһәмият бирәбез, чөнки алар балаларны һәм үсмерләрне республиканың табигый һәм тарихи-мәдәни мирасын өйрәнүгә этәрә, табигатькә сак караш тәрбияли, гражданлык җаваплылыгын һәм экологик культураны үстерә”, – диде ул үз чыгышында.
79нчы һәм 26нчы мәктәпләрнең җәйге лагерьларында ял итүче балалар өчен экологик конкурслар, викториналар, мастер-класслар оештырылды. Бәйрәм кунаклары өчен шулай ук “Радуга” экологик театры артистлары концерт күрсәтте. Азакта барлык катнашучылар бергәләп “Эколятлар гимнын” җырлады.
Министрлыкның матбугат хезмәте