Чаллыда, санитар-экологик икеайлык кысаларында, “Елгаларыбызга – чиста ярлар” акциясе үткәрелде. Татарстан Экология һәм табигый байлыклар министрлыгының Кама буе территориаль идарәсе белгечләре, КФУның Чаллы институты һәм Чаллы инженерлык-экономика колледжы студентлары, “Чүп бүтәнчә юк” бөтенроссия экологик хәрәкәте активистлары “Түбән Кама” милли паркында, Түбән Кама сусаклагычының сул ярында урнашкан бер кишәрлекне чистартты. 3 км яр буеннан 5 кубометр чүп-чар җыелды.
Министрлыкның матбугат хезмәте