Социаль әһәмиятле проектларда катнашучы коммерциясез оешмалар өчен Татарстан Министрлар Кабинеты грантына конкурс игълан ителде

Конкурста ул игълан ителгән көнгә кадәр кимендә бер ел эшләүче коммерциясез оешмалар катнаша ала. Конкурста политик партияләр һәм хәрәкәтләр, һөнәр берлекләре, дәүләти һәм муниципаль оешмалар, шулай ук үзләрен бетерү я яңадан оештыру турында карар чыгарылган коммерциясез оешмалар катнаша алмый.

Конкурс түбәндәге номинацияләр буенча үткәрелә:

I. “Гражданлык җәмгыятен һәм иҗтимагый үзидарәне үстерү, гражданнарның хокукларын яклау” темасы буенча:

1) “Социаль юнәлешле коммерциясез оешмалар секторы инфраструктурасын үстерү”;

2) “Иректән мәхрүм итү урыннарыннан азат ителгән затларны социальләштерү”;

3) “Экстремизмга каршылык бурычларын чишкәндә коммерциясез оешмаларның дәүләт хакимияте һәм җирле үзидарә органнары белән хезмәттәшлеге”.

II. “Мәгариф, яшьләргә рухи-әхлакый тәрбия бирү, үсмерләр һәм яшьләр арасында тискәре күренешләрне профилактикалау, яшьләр арасында гражданлык һәм патриотизм формалаштыру” темасы.

III. “Милләт-ара һәм конфессия-ара бәйләнешләр” темасы буенча:

1) “Милләт-ара хезмәттәшлекне үстерү, Татарстан Республикасында яшәүче халыкларның үзенчәлеген, мәдәниятен, телләрен һәм йолаларын саклау”;

2) “Конфессия-ара толерантлык формалаштыру”.

IV. “Гаиләне, балаларны һәм аналарны яклау, ветераннарга һәм инвалидларга социаль ярдәм һәм социаль хезмәтләр күрсәтү” темасы буенча:

1) “Аерата мохтаҗ кешеләрне социальләштерү”:

2) “Социаль ятимлекне профилактикалау”;

3) “Гаилә кыйммәтләрен пропагандалау һәм рухи-әхлакый йолаларны саклау”;

4) “Озак яшәү: активлык һәм иҗат”.

V. “Экология һәм әйләнә-тирәлекне саклау: Татарстан халкының экологик культурасын формалаштыру”.

Гаризалар 2016 елның 19 апреленә кадәр кабул ителә.

Бәйләнеш телефоннары: (843) 557-21-47, (843) 557-20-20.

Тулы почта адресы: 420044, Казан ш., Волгоград ур. 47 й., Татарстан Республикасы Хезмәт, шөгыльлелек һәм социаль яклау министрлыгы.

Конкурс турында белешмәләр www.mtsz.tatarstan.ru сайтының “Конкурслар” бүлегендә.

Министрлыкның матбугат хезмәте