Петербургта халыкның яшәү экологиясен яхшырту тикшереләчәк

XVI Халыкара “Зур шәһәр экологиясе” форумында су ресурсларын чистарту һәм рациональ куллану, җитештерү калдыклары белән эш итүнең инновацион технологияләре, табигый ресурсларны саклау эшчәнлеге һәм башка мәсьәләләр каралачак. Чара 2016 елның 6-8 апрелендә Санкт-Петербургның “Экспофорум” үзәгендә, шәһәрнең Табигатьтән файдалану, әйләнә-тирәлекне саклау һәм экологик куркынычсызлык комитеты, Ленинград өлкәсе хөкүмәте, РФ Сәүдә-индустрия палатасы ярдәмендә һәм катнашында үткәрелә.

Төп тематика бүлекләре:

• Калдыклар белән эш итү: технологияләр һәм җиһазлар
• Суны рациональ куллану, юынты суларны чистарту, су әзерләү, су бирү, су белән тәэмин итү
• Территорияләрне һәм су объектларын экологик реабилитацияләү
• Экологик мониторинг
• Табигать саклау эшчәнлеген информацион тәэмин итү
• Төзелештә экологик технологияләр
• “Яшел технологияләр” аллеясы

 “Зур шәһәр экологиясе” форумының төп максаты – Россиядә табигый ресурсларны саклауга, экологик куркынычсызлыкны ныгытуга һәм эре шәһәрләр халкының яшәү сый­фатын яхшыртуга булышучы инновацион табигать саклау җиһазлары һәм технологи­яләре иңдерү.

Министрлыкның матбугат хезмәте