Казан «Җир сәгате» акциясендә иң актив катнашкан Россия шәһәрләренең берсе булды
Татарстанда Экология һәм табигый байлыклар министрлыгы ярдәмендә 19 мартта үткәрелгән “Җир сәгате” акциясенә йомгак ясалды. Белгечләрнең исәпләвенчә, республикада 90 МВт/сәг энергия янга калдырылган.
Казанда акция барышында “Казан Кремле” музей-тыюлыгын, ТР Министрлар Кабинеты, ТР Дәүләт Советы, ТР Экология һәм табигый байлыклар министрлыгы, Салих Сәйдәшев исемендәге Зур концерт залы, IT-парк, Казан Ратушасы һәм район администрацияләре биналарын архитектур-сәнгати яктырту сүндереп торылды. “Бөтендөнья кыргый табигать фонды” (WWF) белешмәләре буенча, Казан 2016 елгы “Җир сәгате” акциясендә иң актив катнашкан Россия шәһәрләренең берсе булган.
Акция ел саен мартның соңгы шимбәсендә Бөтендөнья кыргый табигать фонды башлангычы белән үткәрелә һәм төрле илләрдә яшәүчеләрнең энергия һәм ресурслар саклау, планетада экологик хәлне яхшырту проблемаларын чишүдә теләктәшлеген гәүдәләндерә.
Министрлыкның матбугат хезмәте