Экологлар «Җир сәгате»нә кушылырга чакыра
Экологлар Татарстан халкын “Җир сәгате” халыкара акциясенә кушылырга чакыра. Аның өчен 20.30дан 21.30га кадәр яктыртуны һәм электр приборларын сүндереп торырга кирәк. Акциянең http://60.wwf.ru/ рәсми сайтына кереп катнашуыңны расларга һәм дөнья картасында бер шәм кабызырга мөмкин.
Бу көндә, гадәт буенча, Казан Кремле астында яр буенда йөгереш уздырыла, акция вакытында “Казан Кремле” музей-тыюлыгы, Татарстан Министрлар Кабинеты, Татарстан Дәүләт Советы, Татарстан Экология һәм табигый байлыклар министрлыгы, Салих Сәйдәшев исемендәге Зур концерт залы, IT-парк, Казан Ратушасы, Казан район администрацияләре биналарын сәнгатьле яктырту сүндереп торыла. Акциягә шулай ук “Корстон”, “Казан гранд-отеле” кебек спорт, кунакханә, күңел ачу комплекслары, эре сәүдә үзәкләре, муниципаль берәмлекләр, 500дән артык предприятие һәм оешма кушылачак.
Министрлыкның матбугат хезмәте