22 миллион сумлык законсыз карьер. Җинаять эше ачылды.

Законсыз карьер казу җинаять җәзасына китерде. Чаллыда җир асты байлыкларын лицензиясез кулланган өчен Татарстан Экология һәм табигый байлыклар министрлы­гының Ык буе территориаль идарәсе инспекторлары юридик затка карата административ хокук бозу турында беркетмә төзеде. 0.7 гектар мәйданда 1-15 метр тирәнлектән балчык чыгарылган. Алдан-ала исәп буенча 22 миллион 659 мең сумлык зыян салынган. Матери­аллар хокук саклау органнарына тапшырылды. Дәүләткә салынган матди зыян өчен Россия МВДсының Чаллы тикшеренү идаресенең тикшеренү бүлеге 158 статьяның 4 ө. “б” п. (“Аеруча зур күләмдә урлау”) буенча җинаять эше кузгатты.

Министрлыкның матбугат хезмәте