Калининградта Федераль экологик советның 4нче утырышы бара
Бүген Калининградта, Россия Федерациясе табигый байлыклар һәм экология министры Сергей Донской рәислегендә, Россия Федерациясе Табигый байлыклар һәм экология министрлыгы каршындагы Федераль экологик советның 4нче күчмә утырышы бара, темасы: “Россия Федерациясендә Экология һәм аеруча саклаулы территорияләр елы: халыкара, милли һәм региональ кимәлдәге чараларны планлаштыру”. Утырышта Татарстан Дәүләт Советы депутатлары (Экология, табигатьтән файдалану, агроиндустрия һәм азык-төлек политикасы комитеты вәкилләре), Татарстан Экология һәм табигый байлыклар министрлыгы вәкилләре дә катнаша. Чара кысаларында җыелган зыяннарны минимальләштерү, “кайнар нокталарны” бетерү, әйләнә-тирәлеккә мониторинг сыйфатын яхшырту, су ресурсларын саклау һәм яңадан торгызу буенча Россия субъектларында 2016-2017 елларга планлаштырылган чаралар тикшереләчәк, аеруча саклаулы территорияләрне үстерү һәм биологик төрлелекне саклау темалары каралачак.
Министрлыкның матбугат хезмәте