Экология министрлыгы Үзәк территориаль идарәсенең «УК «АС Менеджмент» ЯАҖ буенча карарын Татарстан Югары Cуды законлы дип таныды

Татарстан Экология һәм табигый байлыклар министрлыгының Үзәк территориаль идарәсенең “АС “Менеджмент” идарә компаниясе” ЯАҖнә РФ КоАП 8.6 ст. 2 ө. (кеше саулыгы һәм әйләнә-тирәлек өчен куркынычлы матдәләр, җитештерү һәм куллану калдыклары белән эш итү кагыйдәләрен бозу аркасында туфракның уңдырышлы катламын юк итү, шулай ук җирләрне бозу) белән каралган, 40000 сум штраф рәвешендәге административ җәза билгеләү турындагы 10.07.2014 № 444 карары закон көченә керде.
2014 елның 15 октябрендә Татарстан Югары суды №77-1584/2014 ел эше буенча “АС “Менеджмент” идарә компаниясе” ЯАҖ вәкиленең Казан шәһәре Совет район судының 25.08.2014 ел № 12 846/14 карарына шикаятен карады.
Татарстан Югары суды Билгеләмәсенә ярашлы рәвештә, Казан шәһәре Совет район судының “АС “Менеджмент” идарә компаниясе” ЯАҖнә карата РФ КоАП 8.6 ст. 2 ө. күздә тотылган административ хокук бозу турындагы эш буенча карары үзгәрешсез калдырылган, ә “АС “Менеджмент” идарә компаниясе” ЯАҖ вәкиленең шикаяте канәгатьләндерелмәгән.
Эшне карау йомгаклары буенча Татарстан Экология һәм табигый байлыклар министрлыгының Үзәк территориаль идарәсенең “АС “Менеджмент” идарә компаниясе” ЯАҖен административ җаваплылыкка тарту турындагы карары суд тарафыннан законлы һәм нигезле дип танылды.
Министрлыкның матбугат хезмәте