«Экологик үсеш – Evolution Awards 2014» бөтенроссия премиясенә конкурс

2014 елның 15 ноябренә кадәр “Экологик үсеш – Evolution Awards 2014” бөтенроссия премиясенә II халыкара конкурска гаризалар кабул ителә. Конкурсны Россия Федерациясе Табигый байлыклар һәм экология министрлыгы Greenevolution.ru порталының информацион ярдәме белән үткәрә. Белешмәләрне басма яки электрон рәвештә 119017, г.Москва, Старомонетный пер., 31, ФГБУ «Центральное бюро информации Минприроды России» адресына яисә konkurs@greenevolution.ru электрон почтасына “Конкурс на соискание премии «Evolution Awards 2014” дигән тамга белән җибәрергә мөмкин.
Премия Россия һәм чит ил компанияләренә, шәхси затларга “яшел” технологияләр һәм тотрыклы үсеш өлкәсендәге казанышлар өчен биреләчәк. “Экологик үсеш – Evolution Awards 2014” премиясе лауреатлары биш номинациядә билгеләнә:
– “яшел” технологияләр өлкәсендә иң яхшы чишелеш;
– “яшел” технологияләр өлкәсендә иң яхшы шәхси башлангыч;
– экологик нәтиҗәле иң яхшы җиһаз җитештерүче;
– альтернатив энергия җитештерүче иң яхшы компания;
– “яшел” технологияләр өлкәсендә иң яхшы комплекслы чишелеш.
Конкурсның бурычы булып “яшел” технологияләр иңдерүче физик һәм юридик затларны кызыксындыру, шулай ук “яшел” технологияләр базарын үстерү юнәлешләрен билгеләү тора.
Конкурс турында җентеклерәк белешмәләр белән GreenEvolution премиясе партнеры сайтында танышырга мөмкин.
Җиңүчеләр 2014 елның декабрь башында бүләкләнә.
Министрлыкның матбугат хезмәте