Экология министрлыгы «ЭКОлидер» һәм «Кеше һәм табигать» еллык конкурслары башлануны игълан итте

Татарстан Экология һәм табигый байлыклар министрлыгы “ЭКОлидер” һәм “Кеше һәм табигать” еллык республика конкурслары башлануны игълан итте.
Конкурслар җәмәгатьчелек игътибарын экологик куркынычсызлык проблемаларына җәлеп итү, предприятиеләрне табигать саклау эшчәнлеге белән кызыксындыру, шулай ук республика массакүләм хәбәр чараларының эшен активлаштыру, экологик темаларны яктыртучы журналистларның һөнәри осталыкларын күтәрү максатыннан үткәрелә.
“ЭКОлидер” конкурсы шундый номинацияләр буенча үткәрелә:
Тармак предприятиеләре һәм оешмалары арасында:
“Электр энергетикасы”
“Нефть чыгару һәм нефть химиясе индустриясе”
“Төзелеш материаллары җитештерү”
“Машина төзү”
“Урман һәм агач эшкәртү индустриясе”
“Икенчел ресурсларны җыю һәм эшкәртү”
“Агроиндустрия комплексы һәм азык-төлек индустриясе”
“Торак-коммуналь комплекс”
Җирле үзидарә һәм муниципаль берәмлек органнары арасында:
“Шәһәр территориясендә әйләнә-тирәлекне саклау өлкәсендәге казанышлар өчен”
“Муниципаль район территориясендә әйләнә-тирәлекне саклау өлкәсендәге казанышлар өчен”
“Авыл җирлеге территориясендә әйләнә-тирәлекне саклау өлкәсендәге казанышлар өчен”
Мәгариф оешмалары арасында:
“Мәктәпкәчә оешмаларда экологик белем бирү”
“Гомуми белем бирү оешмаларында экологик белем бирү”
“ВУЗларда һәм махсус белем бирү оешмаларында экологик белем бирү”
Республиканың җәмәгать берләшмәләре һәм гражданнары арасында (“Җәмәгатьчелек хәрәкәте ЭКОлидеры”:
“Җәмәгать оешмалары”
“Гражданнар”
“Халык контроле”
Катнашучының тутырылган информацион картасы һәм эше “Эколидер” конкурсына, 108 каб.” тамгасы белән Татарстан Экология һәм табигый байлыклар министрлыгына җибәрелә.
Предприятие һәм оешмалар өчен “ЭКОлидер” конкурсында катнашучының информацион картасы
Җирле үзидарә һәм муниципаль берәмлек органнары өчен “ЭКОлидер” конкурсында катнашучының информацион картасы
Мәгариф оешмалары өчен “ЭКОлидер” конкурсында катнашучының информацион картасы
Контактлар:
Вәлиуллин Дамир Фәргатович; e-mail: Damir.Valiullin@tatar.ru
Лобашова Мария Сергеевна; e-mail: Mariya.Lobashova@tatar.ru
Телефон: (843) 267-68-11

“Кеше һәм табигать” конкурсы массакүләм хәбәр чараларының шундый конкурс төркемнәре буенча үткәрелә:
республика чаралары
шәһәр һәм район чаралары
предприятие чаралары.
Номинацияләр:
“Вакытлы матбугат басмасындагы иң яхшы сәхифә”
“Иң яхшы телесюжет”
“Иң яхшы радиосюжет”
“Иң яхшы фотохезмәт”
“Электрон басмаларның их яхшы материалы”
“Хәбәр чараларында экологик акция үткәргән өчен”
“Экологик журналистикада иҗади дебют өчен”
“Социаль экологик роликлар ясаган өчен”
Сәхифәнең исеме, матбугат органы, басылып чыгу датасы, автор(лар)ы һәм матбугат органы турында кыскача белешмәләр (оешу датасы, тиражы, бастыру урыны) күрсәтелгән матбугат материаллары; материалның, тапшыруның исеме, эфирга чыгу датасы, автор(лар)ы һәм теле-радиоканалы турында белешмәләр (оешу датасы, аудиториясе, тапшыру территориясе) күрсәтелгән видео- һәм аудиокассеталар; исеме, кушымтасы, кирәк булганда тасвиры булган фотохезмәтләр “Кеше һәм табигать” конкурсына, 211 каб.” тамгасы белән Татарстан Экология һәм табигый байлыклар министрлыгына җибәрелә.
Контактлар:
Әмирова Айгөл Тәлгатовна; e-mail: eco.press@tatar.ru
Телефон: (843) 267-68-22
Эшләр 2014 елның 1 ноябренә кадәр кабул ителә.
Конкурсларда җиңүчеләрне тантаналы котлау декабрьдә була, анда Татарстан Республикасының әйләнә-тирәлеген саклау эшендә иң актив һәм уңышлыларның исемнәре аталачак.
Министрлыкның матбугат хезмәте