Киң таралган файдалы казылмаларны законсыз чыгару факты буенча җинаять эше кузгатылды

Татарстан Экология һәм табигый байлыклар министрлыгының Кама буе территориаль идарәсе хезмәткәрләре, ЛОВД, ОБЭП хезмәткәрләре белән берлектә, 2014 елның 6 маенда, дәүләти экологик мониторинг кысаларында, Түбән Кама сусаклагычы акваториясенә рейд үткәрделәр. Киң таралган файдалы казылмаларны, атап әйткәндә руда булмаган төзелеш материалларын “Кама Транс Флот” ҖЧҖ милкендәге “Прага-4” земснарядын файдаланып чыгару ачыкланды. Бу эш 2014 елның 25 апреленнән 6 маена кадәр эшләнгән, казылмалар төрле компанияләр милкендәге “Окский 21”, “Дунайский 47”, “Алтай”, “Окский 37”, “Кама 1”, “Дунайский 18”, “Коломна 1”, “Дунайский 22” баржаларына төялгән. Киң таралган файдалы казылмалар тулаем 46 963 тонна чыгарылган. Зыян 9 миллион 990 мең 307 сум исәпләнә. Казылма чыгаруның адресы: ТР, Минзәлә районы, Кама елгасы суднолар йөрешенең 1668 – 1669 км арасы. “Прага-4”тә шундый лицензияләре булган:
1. ТУК № 01082 ТЭ, иясе “Кама-Волга Транс” ҖЧҖ ТК, “Тарлау-2” яткылыгы, Кама елгасы суднолар йөрешенең 1657,0 - 1662,25 км интервалы.
2. ТУК № 01079 ТР, иясе “ДЕЛЬТА-ФЛОТ” ҖЧҖ, Тукай районы “Богатый Лог” участогы, Кама елгасы суднолар йөрешенең уң яр буйлап 1657,0 – 1662,7 км интервалы.
Ләкин казылма чыгару урыны әлеге лицензияләрнең токым бүлү чикләренә туры килми.
2014 елның 4 июнендә РФ ҖК 1 өлешенең 171 статьясы нигезендә, киң таралган файдалы казылмаларны законсыз чыгару факты буенча җинаять эше кузгатылды.
Министрлыкның матбугат хезмәте