Чаллыда муниципаль берәмлекләрнең башкарма комитетлары вәкилләре катнашында Кама буе территориаль идарәсе эшчәнлегенә багышланган киңәшмә уздырылды

Чаллыда Кама буендагы муниципаль берәмлекләрнең башкарма комитетлары җитәкчеләре катнашында киңәшмә уздырылды. Ул Татарстан Экология һәм табигый байлыклар министрлыгының Кама буе территориаль идарәсенең эшчәнлегенә һәм җирле хакимият органнары белән бәйләнешенә багышланган иде.
Киңәшмәдә территориаль идарә башлыгы Наил Гарипов чыгыш ясады һәм идарәнең 2013 елгы эш йомгаклары, 2014 елга бурычлары турында сөйләде. Аеруча игътибарны әйләнә-тирәлекне саклау өлкәсендә хезмәттәшлеккә юнәлтте. Моңа табигать саклау чараларын планлаштыру һәм үтәү, административ комиссияләр белән эш итү, җирле хаҗәтләр өчен киң таралган файдалы казылмалар чыгарганда документлар тутыру үзенчәлекләре, экологик тәрбия һәм белем бирү чаралары үткәрү керә.
Һәр районның экологик проблемалары, мәсәлән Алабуга районы Тарлау авылында һәм Әгерҗе районы Красный Бор авылында чистарту корылмалары юклык, Актаныш авылында һәм Минзәлә районы Хуҗамәт авылында аларның начар эшләве аерым карап үтелде.
Россия Табигать күзәтчелегенең территориаль бүлеге белгече Резидә Сабитова тискәре йогынты өчен түләүчеләр реестрын киңәйтү буенча уртак эштә башкарма комитетларның да катнашырга тиешлеген аңлатты. Шул тема буенча күзәтчелек органнары катнашында киңәшмә уздырган Чаллы шәһәр башкарма комитетын уңай мисал итеп китерде.
Киңәшмә азагында өзлексез экологик белем бирү һәм яшь буынны тәрбияләү системасын үстерүгә үзеннән зур өлеш керткәне өчен Чаллының 4нче экология-биология үзәге директоры Владимир Товма Татарстан экология һәм табигый байлыклар министры Артем Сидоровның Мактау грамотасы белән бүләкләнде. Кама буе территориаль идарәсе хезмәткәрләренә башкарма комитетларның Рәхмәт хатлары һәм Мактау грамоталары, калдыкларны икенчел эшкәртү предприятиеләре җитәкчеләренә Рәхмәт хатлары тапшырылды.
Татарстан Экология һәм табигый байлыклар министрлыгының Кама буе территориаль идарәсе материаллары буенча
Министрлыкның матбугат хезмәте