Татарстан Экология һәм табигый байлыклар министрлыгының Идел-Кама территориаль идарәсе эшчәнлегенә йомгаклар

Татарстан Экология һәм табигый байлыклар министрлыгының Идел-Кама территориаль идарәсендә “2013 елгы эшчәнлеккә йомгаклар һәм 2014 елга бурычлар турында” киңәшмә булып узды, анда Министр урынбасары – республиканың табигать саклау буенча баш дәүләт инспекторы Рәмил Низамов катнашты.
Идел-Кама территориаль идарәсендә экологик күзәтчелек функцияләрен үтәү кысаларында 439 тикшерү үткәрелгән. Шулар нәтиҗәсендә 561 бозыш ачыкланган, 581е бетерелгән, бу 103.6% тәшкил итә (2012 елда 88.5% булган).
Идел-Кама территориаль идарәсе инспекторлары административ хокук бозулар турында 406 беркетмә төзегән, бу 2012 елгыдан 23.9%ка артык.
1 461 мең сумлык административ штраф салынган, шуның 1 280 меңе түләтелгән.
Табигать саклау законнарын тупас бозган өчен зыян түләтү буенча судларга 94.992 мең сумлык 12 дәгъвә тапшырылган, шуларның 53.423 мең сумлык 8е түләтелгән.
Халык контроле системасы аша Идел-Кама территориаль идарәсенә 01.01.2012 – 05.02.2014 дәверендә 6 мөрәҗәгать юнәлтелгән (6 мөрәҗәгать “Гариза хәл ителгән” статусында).
2013 елда муниципаль бюджетларга әйләнә-тирәлеккә тискәре йогынты өчен түләү буенча кергән чаралар исәбенә финанслана торган чараларның үтәлеше: Аксубай районы буенча – 97%, Алексеев районы буенча – 99.2%, Әлки районы буенча – эшләр төгәлләнгән, Яңа Чишмә районы буенча – 14%, Спас районы буенча – 100%, Чистай районы буенча – 93.2%.
Министрлыкның матбугат хезмәте