Мәктәп балаларының XIV «Зилант» шәһәр экологик форумы башланды

Казанда мәктәп балаларының XIV “Зилант” шәһәр экология форумы башланды. Чара 2001 елдан бирле үткәрелә, ул балаларга системалы экологик белем һәм тәрбия бирүгә, шул өлкәдә бердәм белешмә тирәлеге булдыруга юнәлтелгән. “Зилант”ны быел Татарстан Экология һәм табигый байлыклар министрлыгының Үзәк территориаль идарәсе, Казан мәгариф идарәсе, КФУ һәм Казан шәһәре Балалар экология-биология үзәге оештыра.
Форумга 5 юнәлеш кертелгән: фәнни тикшеренү (докладлар), гамәли сәнгать (фотографияләр, рәсемнәр, гамәли эшләрдән экспресс-күргәзмә), мәдәни агарту (әдәби иҗат һәм стена гәзитләре), киң күләмле оештыру (агитбригадалар конкурсы) һәм табигать саклау. Эшләрне Казан университеты һәм табигать саклау оешмалары вәкилләреннән торган жюри бәяли.
Җиңүчеләр 2014 елның апрелендә билгеләнә. Бүләкләү Экологик марафон кысаларында Балаларның шәһәр экология-биология үзәге базасында үткәреләчәк.
Министрлыкның матбугат хезмәте