Төньяк территориаль идарә инспекторлары судан файдалану кагыйдәләрен бозу очрагын ачыклады

2013 елның 18 декабре, чәршәмбе
Быел декабрь башында Арча районы Яңа Чүриле психоневрологик интернаты янындагы территориядә Татарстан Экология һәм табигый байлыклар министрлыгының Төньяк территориаль идарәсе инспекторлары 150 мм диаметрлы торбадан хуҗалык-көнкүреш юынты суларын чистартмыйча һәм зарарсызламыйча үз агымы белән түгү очрагын ачыкладылар. Пычранган су Кече Мишә елгасы кушылдыгы булган, Яңа Чүриле торак пункты аша Саба районына таба ага торган Исемсез инешкә агып төшә. Бу факт буенча административ тикшерү кузгатылган. Төньяк территориаль идарә инспекторлары Яңа Чүриле психоневрологик интернатының юынты сулары Исемсез инешкә агып төшкән урыннан су пробалары алган. Химик күләм анализы нәтиҗәләре буенча шундый матдәләрнең артуы ачыкланган:
– аммоний ионы – 84 тапкыр;
– нитритлар – 6 тапкыр;
– сульфатлар – 1.34 тапкыр;
– фосфатлар – 16.5 тапкыр
– тимер – 3.1 тапкыр;
– нефть продуктлары – 6.8 тапкыр.
Яңа Чүриле психоневрологик интернаты директорына “Су алганда һәм су объектларына юынты сулар ташлаганда судан файдалану кагыйдәләрен бозу” турындагы Россия Федерациясе КоАП 1 өлеш 8.14 статьясы буенча беркетмә төзелгән. Хәзерге вакытта су ресурсларына китерелгән зыянны исәпләү бара.
Татарстан Экология һәм табигый байлыклар министрлыгының Төньяк территориаль идарәсе материаллары буенча.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International