Татарстан Республикасы Экология һәм табигать ресурслары министрлыгы

«Саф караш» конкурсында җиңүчеләр бүләкләнде

2013 елның 13 декабре, җомга

Бүген технопаркта, “IT-парк” югары технологияләр сферасында, республика яшьләренең “Саф караш” социаль экологик реклама конкурсында җиңүчеләрне бүләкләү тантанасы булып узды. Конкурс Татарстан Экология һәм табигый байлыклар министрлыгы тарафыннан рәттән икенче елын үткәрелде. Быел аңа Россия Федерациясенең 24 субъектыннан, шул исәптән Мәскәүдән, Чиләбе өлкәсеннән, Томскидан, Мурманскидан, Саранскидан, Әстерханнан, Мордовия Республикасыннан 200дән артык материал тәкъдим ителгән иде.

Бүләкләү тантанасын Татарстан Экология һәм табигый байлыклар министры Артем Сидоров ачып җибәрде. Үзенең тәбрикләү чыгышында ул: “Быел аеруча игътибар яшь буынга экологик тәрбия һәм белемнәр бирүгә юнәлтелде. Экологик җәмәгать оешмалары белән бергә бик күп халык катнашында чаралар, Татарстанның барлык уку йортларында экология буенча факультатив дәресләр, иҗади конкурслар, фәнни агарту семинарлары, яшьләр форумнары үткәрелде.” Арытаба Артем Сидоров, алынган бүләкләр һәм призлар беркемне дә битараф калдырмый торган яңа, сыйфатлы, креатив экологик реклама иҗат итүгә этәргеч бирер, дигән ышаныч белдерде.

Татарстан Экология министры Артем Сидоров, Татарстан Дәүләт Советы рәисе урынбасары, Журналистлар берлеге рәисе Римма Ратникова, “Связьинвестнефтехим” ААҖ директорлар советы рәисенең хокукый мәсьәләләр буенча киңәшчесе Кәфил Әмиров, “Татмедиа” ААҖ филиалы “Казан” телерадиокомпаниясе генераль директоры Мәдинә Тимерҗанова, “Яңа Гасыр” телерадиокомпаниясе генераль директоры Илшат Әминов, “Татарстан” телерадиокомпаниясе директоры Фирдүс Гыймалетдиов катнашындагы жюри түбәндәге эшләрне җиңүчеләр дип таныды:

“Социаль плакат” номинациясендә:

1нче урын – Ольга Цылева, Мурманск өлкәсе Мурманск шәһәре

2нче урын – Зөһрә Габдерәүфова, Татарстан Республикасы Кукмара бистәсе

3нче урын – Галина Рогачева, Мордовия Республикасы Ковылкино районы

“Социаль видеоролик” номинациясендә:

1нче урын – Людмила Иванишен, Томск өлкәсе

2нче урын – Алексей Тихонов, Татарстан Республикасы Чистай шәһәре

3нче урын – Григорий Волегов, Чиләбе өлкәсе Озерск шәһәре

“Кыска метражлы фильм” номинациясендә:

1нче урын – Маргарита Грищенко, Анастасия Куценко, Ямал-Ненец автоном өлкәсе Ноябрьск шәһәре

2нче урын – Руслан Ситдыйков, Татарстан Республикасы Лениногорск шәһәре

3нче урын – Наталья Лунина, Яна Овчинникова, Әстерхан өлкәсе

“Гаджетка төшерелгән видео” номинациясендә:

Павел Шинкаренка, Татарстан Республикасы Чаллы шәһәре

Махсус призлар:

“Социаль видеоролик өчен” – Роман Королев, Татарстан Республикасы Казан шәһәре

“Мультипликацион фильм өчен” – Анна Светличная, Мәскәү шәһәре

“Социаль плакат өчен” – Стефания Лужаева, Татарстан Республикасы Казан шәһәре

Министрлыкның матбугат хезмәте

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ