Экологлар мәктәп укучыларына Татарстан елгалары турында сөйләделәр
ТР Экология министрлыгының Төньяк идарәсе инспекторлары «Ашыт» дәүләти табигать тыюлыгы белгечләре белән берлектә Арча районының Яңа Кырлай авылы укучылары өчен экология дәресе үткәрделәр.
Дәрес республиканың су ресурсларына багышланган иде. Экологлар мәктәп укучыларына елгаларның табигать һәм кеше өчен әһәмияте, шулай ук су объектларына сак карауның ни өчен мөһим булуы турында сөйләделәр.
Балалар Казансуның озынлыгы 142 км, ә елганың башы Арча районында икәнен белделәр. Илнең төп су артериясе-Идел турында да сөйләделәр. Безнең республика чикләрендә бу елга үзенең иң зур киңлегенә – 40 км га җитә. Идел Кама елгасы белән очрашкан урында, Кама Тамагы бистәсендә елга шундый киңлеккә җитә.
Экологик викторинада укучылар Татарстан елгалары, аларның тарихы һәм әһәмияте турындагы белемнәрен тикшерә алдылар.
Чара укучыларның белемнәрен киңәйтергә генә түгел, ә аларда әйләнә-тирә мохиткә җаваплы мөнәсәбәт формалаштырырга да ярдәм итте. Балалар аңладылар: су ресурслары — җирдәге тереклекнең нигезе, һәм алар турында һәркемгә кайгырту мөһим.