Чистайда Автозаправка дәүләт исәбенә куелмыйча эшләде

2026 елның 26 марты, пәнҗешәмбе

Күчмә тикшерү кысаларында Идел-Кама идарәсе инспекторлары Чистайда Карл Маркс урамындагы автозаправканы тикшерделәр. 

Экологлар урында газ белән ваклап сату алып барылуын ачыклаган, әмма шул ук вакытта ягулык салу әйләнә-тирә мохиткә тискәре йогынты ясый торган объект буларак дәүләт исәбенә куелмаган. Эшчәнлекне шәхси эшмәкәр башкара.
Хокук бозучыга табигатьне саклау законнарының мәҗбүри таләпләрен бозмаска дигән кисәтү игълан ителде. 

Исегезгә төшерәбез, «әйләнә-тирә мохитне саклау турында» 7 нче Федераль закон нигезендә I – III категорияле объектлар, объект категориясенә карап, вәкаләтле федераль яисә төбәк органында дәүләт исәбенә куелырга тиеш.