Экологлар Бөгелмә районында фермер хуҗалыгында хокук бозуларны ачыкладылар
Мәҗбүри профилактик визит кысаларында Көньяк-Көнчыгыш идарәсе инспекторлары Бөгелмә районының Подгорный поселогында крестьян-фермер хуҗалыгында булдылар.
Тикшерү барышында экологлар табигатьне саклау законнарын бозу очракларын ачыкладылар. Аерым алганда, «әйләнә-тирә мохитне саклау турында»Федераль законның 67 статьясын бозу булып торган җитештерү экологик контролен оештыру һәм гамәлгә ашыру нәтиҗәләре турында хисап бирелмәгән.
Шулай ук 2024 елда әйләнә-тирә мохиткә тискәре йогынты ясаган өчен түләү турында декларация тапшыру буенча йөкләмәләр үтәлмәгән һәм тиешле түләү кертелмәгән, бу «әйләнә-тирә мохитне саклау турында»Федераль законның 16.1 һәм 16.4 статьялары таләпләрен боза.
Моннан тыш, предприятиедә уңайсыз метеорологик шартлар чорында атмосфера һавасына пычраткыч матдәләр чыгаруны киметү буенча чаралар планы эшләнмәгән һәм расланмаган, бу атмосфера һавасын саклау өлкәсендәге закон таләпләрен бозу булып тора.
Калдыклар белән эш итү өлкәсендә исәпкә алуның билгеләнгән тәртиптә алып барылмавы ачыкланган. Шулай ук калдыкларның федераль классификация каталогына кертелгән I–IV класслы хәвефлелектәге калдыклар паспортлары һәм каты коммуналь калдыклар белән эш итү буенча хезмәт күрсәтүгә шартнамә юк.
Моннан тыш, биологик калдыкларны җыю, саклау, күчерү, утильләштерү һәм юкка чыгару буенча хезмәтләр күрсәтүгә килешүләр тәкъдим ителмәгән.
Хокук бозучыга мәҗбүри таләпләрне бозуга юл куймау һәм хокук бозуларны бетерү турында кисәтү игълан ителде.