Суд кишәрлек хуҗасын Бөгелмә Зәе елгасына ирекле керү мөмкинлеген тәэмин итәргә йөкләде
Бөгелмә шәһәр суды су объектының яр буйларын законсыз койма белән әйләндереп алу турындагы эштә экологлар файдасына карар чыгарды.
Хокук бозу Көньяк-Көнчыгыш идарәсе инспекторлары тарафыннан вертолет очышы кысаларында ачыкланган. Экологлар Кече Бөгелмә авылында Бөгелмә Зәе елгасы буенда законсыз куелган койма теркәгәннәр. Моннан тыш, кишәрлек хуҗасы Яр полосасына төшү өчен баскыч төзегән, бу РФ су кодексын бозу булып тора.
Инспекторлар физик зат адресына хокук бозуларны ирекле тәртиптә бетерүне таләп итеп дәгъва юллаган. Әмма күрсәтмә үтәлмәде.
Экологлар Бөгелмә шәһәр судына дәгъва гаризасы белән мөрәҗәгать иттеләр, ул министрлык позициясен тулысынча хуплады һәм милекчегә законсыз конструкцияләрне сүтәргә һәм халыкның елгага ирекле керүен тәэмин итәргә йөкләде.