Суд Нурлат районы хокук бозучысын законсыз чүплекне бетерергә мәҗбүр итте
Нурлат район суды министрлыкның рөхсәтсез чүплекне бетерү һәм табигатькә китерелгән зыянны каплау турындагы таләпләрен канәгатьләндерде.
Элегрәк Нурлат районы өстеннән вертолетлар белән очып узу кысаларында Көньяк-Көнчыгыш идарәсе инспекторлары табигатьне саклау законнарын бозуны ачыклаган иде.
Чуваш Мәнчәсе авылында экологлар санкцияләнмәгән көнкүреш һәм төзелеш калдыклары чүплеген теркәгәннәр. Хокук бозуның гомуми мәйданы 33 кв. м тәшкил иткән.
Экологлар туфракка китерелгән зыян суммасын исәпләп чыгарганнар. Ул 27 мең сум тәшкил иткән.
Участок милекчесенә инспекторлар чүплекне бетерү турында дәгъва юллаган. Әмма хокук бозучы министрлык таләпләрен үтәмәгән.
Экологлар Нурлат район судына дәгъва гаризасы белән мөрәҗәгать иткәннәр. Суд министрлык таләпләрен тулы күләмдә канәгатьләндерде.