ТР Экология министрлыгы инспекторлары Яр Чаллы күле янында рөхсәтсез туфрак җыюны теркәгәннәр
ТР Экология министрлыгына Яр Чаллы шәһәрендә яшәүчеләрдән Николай Иванцов урамындагы 12 нче йорт янында урнашкан күлгә туфрак салу турында мөрәҗәгать килде. Мөрәҗәгать итүче сүзләренчә, урында бульдозер эшләгән, аның ярдәмендә су объектын күмү алып барылган. Кама буе идарәсе инспекторлары урынга барып, күлнең үзе күмелмәгәнлеген, әмма су объекты янында законсыз рәвештә грунт җыю алып барылуын теркәгәннәр, бу РФ су кодексын бозу булып тора. Яр буе полосалары чикләрендә юыла торган грунт өемнәрен урнаштыру тыела, чөнки бу су объектының пычрануына, ләмләнүенә яисә тулысынча юкка чыгуына китерергә мөмкин.
Хокук бозу муниципаль җирдә теркәлгәнлектән, Чаллы шәһәре Башкарма комитетына кисәтү һәм хокук бозуларны бетерү турында таләп игълан ителде.
Мөрәҗәгатьтән Фото