Экология министры Азат Җиһаншин Казан канализациясенең биологик чистарту корылмаларында булды
Табигатьне саклау буенча төп проектларны гамәлгә ашыруны контрольдә тоту кысаларында экология министры Казанда канализациянең биологик чистарту корылмаларына эш визиты ясады.
Бу объект “Экологик иминлек” милли проектының “Иделне савыктыру” федераль проекты кысаларында масштаблы реконструкция узган.
Визит барышында министр эшләтеп җибәрү-көйләү эшләренең тәмамлану барышы белән танышты һәм расланган юл картасы нигезендә чараларның үтәлешен билгеләп үтте. Дәүләт экология экспертизасының уңай бәяләмәсен һәм эксплуатациягә кертүгә рөхсәтне дә кертеп, барлык кирәкле рөхсәт документлары алынды.
Визит барышында чистартылган агынты суларның сыйфатын тәэмин итү мәсьәләләренә аерым игътибар бирелде. Биологик чистарту корылмаларының проект куәте тәүлеккә 650 мең кубометр чистартылган агынты суны тәшкил итә.