Яр Чаллыда Экология министрлыгы инспекторлары экологик агарту дәресен үткәрделәр
ТР Экология министрлыгының Кама буе идарәсе инспекторлары Яр Чаллыдагы 51 нче мәктәптә булдылар. Белгечләр 8 нче сыйныф укучылары өчен экологик дәресләр үткәрделәр.
Инспекторлар укучыларга атмосфера һавасын, туфракны, су объектларын пычрату кебек төп экологик мәсьәләләр турында сөйләделәр. Экологик хәлне яхшыртуга юнәлдерелгән федераль һәм республика инициативаларына аерым игътибар бирелде. Балалар “Экологик иминлек” милли проекты кысаларында уздырыла торган “Россия суы” ярларын чистарту буенча Бөтенроссия акциясенең максатлары һәм бурычлары турында белделәр. Менә инде бишенче ел рәттән Татарстан әлеге акциянең лидеры була. Анда 2 млн татарстанлы катнашты.
Теоретик өлеш соңрак практик өлешкә күчте. Материалны беркетү өчен укучылар викторина сорауларына җавап бирделәр. Очрашуның иң җанлы өлеше уен-уйлану булды “Син нәрсә эшләр идең?”. Балаларга экологик җаваплылык таләп итә торган модельләштерелгән ситуацияләр тәкъдим ителде. Укучылар үз вариантларын тәкъдим иттеләр: тәртип бозуны телефонга теркәп, күзәтчелек органнарына хәбәр итәргә, өлкәннәргә мөрәҗәгать итәргә, өмә оештырырга, тәртип бозучылар белән аңлату әңгәмәсе үткәрергә. Бу уен белемнәрне генә сынап калмый, әйләнә-тирә дөнья өчен шәхси җаваплылык тойгысын да үстерә.
“Мондый дәресләр бик мөһим. Без тере җавап күрәбез һәм табигать турында кайгырту - тормыш нормасы булган буын үсүен аңлыйбыз”, - дип билгеләде Кама буе идарәсе инспекторы Юлия Маркелова.