«Хәзерге шартларда экокультура»

2013 елның 6 декабре, җомга
2013 елның 4 декабрендә “Казан” милли мәдәният үзәгендә “Хәзерге шартларда экокультура” дигән түгәрәк өстәл утырышы булып узды. Оештыручылары – Республика традицион мәдәниятне үстерү үзәге, Татарстан Мәдәният министрлыгы һәм “Татарстан – Яңа гасыр” республика иҗтимагый хәрәкәте башкарма комитеты.
Түгәрәк өстәл утырышында Татарстан Экология һәм табигый байлыклар министрлыгының башкаручы киңәшчесе Елена Гыйльмеҗанова да катнашты. Үз чыгышында ул хакимият органнарының, дәүләти табигать саклау оешмаларының, җәмәгать оешмаларының һәм халыкның көчен әйләнә-тирәлекне саклау, экологик куркынычсызлыкны тәэмин итү, өстәмә экологик тәрбия һәм белем бирү системасын яклау максатында берләштерергә дигән тәкъдим кертте.
Татарстанның Экологик культура һәм әйләнә-тирәлекне саклау елы кысаларында Республика традицион мәдәниятне үстерү үзәге, “Татарстан – Яңа гасыр” республика иҗтимагый хәрәкәте башкарма комитеты политсоветы белән берлектә, 2013 елның январеннан ноябренә кадәр үзешчән балалар берләшмәләренең “Җир сулышы” республика конкурсын үткәрде. Анда Алексеевск, Буа, Бөгелмә, Кайбыч, Лениногорск, Мөслим, Сарман, Чистай муниципаль районнарыннан 25 үзешчән балалар берләшмәсе катнашты. Конкурста катнашкан 7-14 яшьлек балалар яшәү өчен уңайлы әйләнә-тирәлек булдыру, табигатькә сак караш тәрбияләү буенча конкрет эшләр башкарды: олылар җитәкчелегендә үз туган авылларында агач утыртты, чишмәләрне чистартты, табигый материаллардан ясалган әйберләрдән күргәзмәләр оештырды.
Министрлыкның матбугат хезмәте
 
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгатьләре өчен
Адрес: 420049, Казан шәһәре, Павлюхин урамы, 75
Телефон: +7 (843) 267-68-01, 267-68-02
Факс: +7 (843) 267-68-70
E-Mail: eco@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International