Экология министры урынбасары Ольга Манидичева “Профессионаллар” чемпионатының төбәк этабында җиңүчеләрне котлады
19-22 гыйнвар көннәрендә В.П. Лушников исемендәге Казан нефть химиясе көллиятендә “Экологик иминлек” милли проектына ярдәм йөзеннән "Әйләнә-тирә мохитне саклау” компетенциясе буенча һөнәри осталык буенча “Профессионаллар” чемпионатының төбәк этабы узды.
Чемпионатта Казан, Чистай һәм Түбән Кама студентлары катнашты. Алар һавадагы пычраткыч матдәләр концентрациясен билгеләгәндә һәм калдыкларның куркынычлык классын исәпләгәндә үзләренең осталыкларын күрсәттеләр, шулай ук әйдәп баручы экспертлардан бәя алдылар.
Чемпионат җиңүчеләрен бүген экология министры урынбасары Ольга Манидичева котлады:
“Сез яшьтәшләрегез өчен лаеклы үрнәк, сезгә әйләнә-тирә мохитне саклауны өйрәнү юлында зур уңышлар телим. Сезнең белемегез һәм табигатьне сакларга омтылуыгыз Татарстанның экологик иминлегенең нигезе булырга мөмкин”.
Чемпионат нәтиҗәләре буенча җиңүчеләр булдылар:
1 урын - В.П. Лушников исемендәге Казан нефть химиясе көллияте;
2 урын - Н.В. Лемаев исемендәге нефть химиясе һәм нефть эшкәртү көллияте, Түбән Кама шәһәре;
3 урын - Казан технология көллияте.
Җиңүчеләр “Әйләнә-тирә мохитне саклау” компетенциясе буенча һөнәри осталык буенча “Профессионаллар” чемпионатының йомгаклау (төбәкара) этабында Татарстан Республикасы исеменнән чыгыш ясаячак.
Исегезгә төшерәбез, Казан нефть химиясе көллияте, 2020 елдан әйләнә-тирә мохитне саклау буенча махсуслаштырылган компетенцияләр үзәге буларак, бу өлкәдә һөнәри күнекмәләрне үстерүгә актив ярдәм итә. Көллиятнең төп индустриаль партнеры - Татарстан Республикасы Экология һәм табигый ресурслар министрлыгы.