Татарстан Республикасы Экология министрлыгының Үзәк идарәсе инспекторлары нефть түгүне бетерү буенча комплекслы өйрәнүләрдә катнашты
Татарстан Республикасы Биектау муниципаль районында нефтьнең авария хәлендәге түгүләре вакытында гамәлләрне эшкәртүгә юнәлдерелгән комплекслы өйрәнүләр узды. Комиссия составына ТР Экология министрлыгының Үзәк идарәсе инспекторлары керде.
Өйрәнүләр “ЛУКОЙЛ-Уралнефтьпродукт” җаваплылыгы чикләнгән җәмгыяте хезмәткәрләре өчен Бөреле бистәсендә нефть һәм нефть продуктларын саклау һәм күчерү буенча нефть базасы мәйданчыгында узды. Шулай ук нефть продуктларының агып төшүен бетерү чарасында “РегионСпас” җаваплылыгы чикләнгән җәмгыятенең профессиональ авария-коткару формированиесе хезмәткәрләре һәм 113 нче янгын сүндерү һәм коткару бүлекчәсе вәкилләре катнашты.
Риваять буенча, нефть салынган савытның герметизациясе бозылган. 6758 куб. м. нефть продуктлары түгелгән. “ЛУКОЙЛ-Уралнефтьпродукт” ҖЧҖ территориясен пычрату куркынычы барлыкка килде. Укулар ике этапта үтте. Башта хезмәтләрне хәбәр итү, эвакуацияләү һәм куркыныч зонаны киртәләү эшләнде. Аннары өйрәнүләрдә катнашучылар шартлы түгелүне бетерүгә керештеләр: территорияне махсус җиһазлар белән чолгап алдылар, нефть продуктларының таралуын туктаттылар. Көйләнгән эш нәтиҗәсендә түгелү локальләштерелде һәм бетерелде.
Өйрәнүләр нәтиҗәләре буенча персоналның югары әзерлеге һәм нефтьнең олы түгелүен бетерү өчен җитәрлек күләмдә көч һәм ресурслар расланды. Шартлы инцидентлар бетерелде, ә катнашучыларның эше “канәгатьләнерлек” дип бәяләнде.