Суд экологларның таләпләрен канәгатьләндерде һәм Менделеевсктагы чүплекне бетерүне йөкләде
Менделеевск шәһәре территориясен тикшерү барышында Кама буе идарәсе инспекторлары табигатьне саклау законнарын бозуны ачыкладылар. Гассар урамындагы җир кишәрлегендә белгечләр җитештерү һәм куллану калдыкларын, атап әйткәндә, сортланмаган торак калдыкларын, төзелеш кирпече һәм автопокрышкаларны рөхсәтсез урнаштыру урынын теркәделәр.
Чүплекнең мәйданы 179 кв.метр тәшкил итә.
Менделеевск районы башкарма комитетына табигатьне саклау законнарының мәҗбүри таләпләрен бозуга юл куймау турында кисәтү һәм хокук бозуны бетерү турында таләп белдерелде.
Соңрак кисәтүнең үтәлешен тикшерү кысаларында территория кабат тикшерелде. Нәтиҗәләр буенча санкцияләнмәгән чүплекнең бетерелмәве ачыкланды. ТР Экология министрлыгының Кама буе идарәсе Менделеевск район судына дәгъва гаризасы белән мөрәҗәгать итте. Суд экологларның таләпләрен хуплады һәм законсыз чүплекне бетерергә мәҗбүр итте.