Хөрмәтле судан файдаланучылар! Экология министрлыгы судан файдаланган өчен түләү ставкаларының үзгәрүе турында хәбәр итә
Росстатның рәсми мәгълүматлары нигезендә, 2024 елның гыйнвар-декабрь айларында кулланучылар бәяләре индексы алдагы елның шул ук чорына карата 108,45% тәшкил иткән.
2026 елга федераль милектәге су объектларыннан файдаланган өчен түләү ставкаларын исәпләгәндә 2025 ел ставкаларына карата 1,0845 индексация коэффициенты кулланыла.
2026 елга федераль милектәге су объектларыннан файдаланган өчен түләү ставкалары:
Шартнамәдә билгеләнгән күләм чикләрендә өске су объектларыннан (диңгезләрдән тыш) су алган өчен: 1 мең куб.м өчен 1 543 сум.
Халыкны эчә торган һәм хуҗалык-көнкүреш сулары белән тәэмин итү өчен су алган өчен: 1 мең куб.метр өчен 354 сум.
Су объектларыннан электр энергиясе җитештерү өчен су алмыйча файдаланган өчен: 1 мең кВт·сәг электр энергиясе өчен 56 сум.
Җир өсте су объектлары акваториясеннән файдаланган өчен: елына файдаланыла торган 1 кв.км акватория өчен 1 599 889 сум.
Су үлчәү приборларыннан башка су ресурсларын алучы судан файдаланучылар өчен күрсәтелгән түләү ставкаларына карата 1,1 коэффициенты кулланыла.