Мәскәүдә «Россиядә экомониторинг» беренче форум-күргәзмәсе тәмамланды
Мәскәүдә «Экологик иминлек» илкүләм проектына ярдәм йөзеннән әйләнә-тирә мохит мониторингын цифрлаштыруны һәм технологик тәэмин итүне үстерү ассоциациясе (АРЭМ) оештырган «Россиядә эЭкомониторинг» беренче гомумроссия форум-күргәзмәсе узды.
Чара бер мәйданчыкта дәүләт органнарының, фәнни җәмәгатьчелекнең, бизнесның һәм иҗтимагый оешмаларның 380нән артык вәкилен берләштерде. Форумның төп темасы Россия төбәкләрендә экологик мониторинг системаларын комплекслы үстерү булды.
Татарстан Республикасыннан форумда Татарстан Республикасы экология һәм табигать ресурслары министры урынбасары Ольга Манидичева һәм «Татарстан Республикасы Геоүзәге фәнни-җитештерү берләшмәсе» ДБУ җитәкчесе Марс Вәлиев катнашты. Үзенең чыгышында Татарстанда экологик мониторинг системасын булдыру һәм үстерү тәҗрибәсе, шул исәптән исәп-хисап мониторингын кертү тәҗрибәсе тәкъдим ителде.
Россия экология җәмгыяте рәисе Рәшит Исмаилов экомониторингны уңышлы үстерүнең өч төп шартын билгеләде: гражданнар өчен мәгълүматның ачык һәм аңлаешлы булуы, бизнесның дәүләт тарафыннан җайга салынуы һәм җаваплылыгы һәм җәмгыятьнең экологик мәнфәгатьләренең өстенлеге.
АРЭМ идарәсе рәисе Сергей Егоршев Ассоциациянең экомониторингның территориаль системаларын булдыру һәм үстерү өчен стандартлар сериясен эшләү планнары турында хәбәр итте.
Форум кысаларында шулай ук экологик мониторингны цифрлаштыру һәм сәнәгый чыгарылмаларны контрольдә тоту буенча панель сессияләр узды. Фойеда экологик мониторинг системалары өчен заманча җиһазлар һәм технологик чишелешләр күргәзмәсе урнаштырылган иде.
Форум эше йомгаклары буенча декларация әзерләнә, ул 2026 елда конкрет тәкъдимнәр өстендә бергәләп эшләү өчен федераль башкарма хакимият органнарына җибәреләчәк.
Декларациягә тәкъдимнәрне электрон почта аша җибәрергә мөмкин: info@ecomonitoring-association.ru.