Татарстан Республикасы Экология һәм табигать ресурслары министрлыгы

12 декабрь – бөтенроссия гражданнарны кабул итү көне

2013 елның 1 декабре, якшәмбе

Россия Федерациясе Президенты йөкләмәсенә ярашлы рәвештә, 2013 елның 12 декабреннән башлап ел саен, Россия Конституциясе көнендә, җирле вакыт белән 12 сәгать 00 минуттан 20 сәгать 00 минутка кадәр бөтенроссия гражданнарны кабул итү көне үткәрелә. Гражданнар Мәскәү шәһәренең, федераль округларның, Россия Федерациясе субъектларының административ үзәкләренең Россия Федерациясе Президенты Кабулиятләрендә (арытаба – Россия Федерациясе Президенты кабулиятләре), башкарма хакимиятнең федераль органнарында һәм тиңдәш территориаль органнарда, дәүләти федераль органнарда һәм тиңдәш территориаль органнарда, Россия Федерациясе субъектларының башкарма дәүләт хакимияте органнарында (арытаба – дәүләт органнары) һәм җирле үзидарә органнарында кабул ителәләр.

Җирле вакыт белән 12 сәгать 00 минуттан 20 сәгать 00 минутка кадәр Россия Федерациясе Президенты кабулиятләренә, дәүләт органнарына яки җирле үзидарә органнарына килгән гаризачыларны шул органнарның вәкиллекле затлары шәхсән кабул итеп, гаризачыларның ризалыгы белән алар өчен видео-конференц-элемтә, видео-элемтә, аудио-элемтә яки бүтән төр элемтә режимында органнарның телдән мөрәҗәгатьләрдә куелган мәсьәләләрне чишү буенча компетентлы вәкиллекле затларына шәхси мөрәҗәгать мөмкинлеге булдыралар. Шәхси кабул итү тере чират тәртибендә, шәхесне раслаучы документ (паспорт) күрсәтү белән башкарыла.

Органнарның гаризачыларны кабул итүче вәкиллекле затлары, сәгать зоналарын исәпкә алып, гаризачыларга органнарның телдән мөрәҗәгатьләрдә куелган мәсьәләләрне чишү буенча компетентлы вәкиллекле затларына видео-конференц-элемтә, видео-элемтә, аудио-элемтә яки бүтән төр элемтә режимында шәхси мөрәҗәгать мөмкинлеге булдырмаса, әлеге вәкиллекле затларга шәхси мөрәҗәгать мөмкинлеге бөтенроссия гражданнарны кабул итү көненнән соң 7 эш көне эчендә яисә шул гаризачылар өчен уңайлы булган бүтән срокларда булдырыла. Видео-конференц-элемтә, видео-элемтә, аудио-элемтә яки бүтән төр элемтә режимында кабул итүнең датасы һәм урыны турында ул гаризачыларга бөтенроссия гражданнарны кабул итү көненнән соң 3 эш көне эчендә белдерелә.

Тиешле дәүләт органнарының һәм җирле үзидарә органнарының карары буенча гаризачылар бөтенроссия гражданнарны кабул итү көнендә шәхсән кабул итүгә алдан яздырылырга мөмкин. Татарстан Экология һәм табигый байлыклар министрлыгы эшчәнлегенә кагылышлы мәсьәләләр буенча язылу (843) 267-68-48 телефоны буенча башкарыла.

2013 елның 12 декабрендә гаризачыларны кабул итүнең адреслары буенча белешмәләр Интернет челтәрендә, Россия Федерациясе Президентының рәсми сайтындагы (http://letters.kremlin.ru/receptions) “Мөрәҗәгатьләр” бүлегенең “Шәхси кабулият” битендә, шулай ук тиешле дәүләт органнарының һәм җирле үзидарә органнарының рәсми сайтларында урнаштырылган. Татарстан Экология һәм табигый байлыклар министрлыгы гражданнарны Казан ш., Павлюхин ур., 75 адресында кабул итә.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ