Хокук бозучы Түбән Камада санкцияләнмәгән чүплек өчен 267 мең сум түләячәк
Суд экологларның таләпләрен хуплады һәм кишәрлек милекчесен туфракка китерелгән зыян суммасын түләргә мәҗбүр итте.
2025 елның февралендә Түбән Каманы мониторинглау кысаларында Кама аръягы идарәсе инспекторлары табигатьне саклау законнарын бозуны ачыкладылар. «Строитель-5» бакча ширкәте территориясендә экологлар калдыкларны, атап әйткәндә, бетон блокларын санкцияләнмәгән рәвештә туплау урынын теркәделәр. Чүплекнең гомуми мәйданы 260 кв.м тәшкил итә.
Экологлар туфракка китерелгән зыян суммасын исәпләп чыгардылар. Ул 267 мең сум тәшкил итте.
Җир участогының физик затныкы булуы ачыкланды. Экологлар милекчегә әйләнә-тирә мохитне саклау объекты буларак туфракка китерелгән зыянны каплау турында дәгъва юлладылар.
Чүплек бетерелгән, ләкин зыян кире кайтарылмады. Инспекторлар Түбән Кама шәһәр судына дәгъва гаризасы белән мөрәҗәгать иттеләр. Суд экологларның таләпләрен канәгатьләндерде һәм зыянның бөтен суммасын капларга мәҗбүр итте.