Экологлар кисәтүе буенча Чаллыда ике чүплек бетерелде
Элегрәк Кама буе идарәсе инспекторлары Чаллы шәһәрендә табигатьне саклау законнарын бозуның ике очрагын теркәделәр. Комсомол районының металлургия урамында һәм ЗЯБ бистәсе территориясендә экологлар санкцияләнмәгән чүплекләр таптылар.
Металлургия урамында экологлар төзелеш һәм ремонт эшләре калдыкларын, шулай ук полимер материаллардан ясалган савытларны ташлау фактын теркәделәр. Хокук бозу мәйданы 57 кв.м тәшкил итә иде. Комсомол районының ЗЯБ бистәсенең 13 комплексында экологлар кәгазь һәм полиэтилен төргәкләр, бетон ватыклары, шулай ук төзелеш һәм үсемлек калдыклары чүплеген ачыкладылар. Хокук бозу мәйданы 103 кв.м тәшкил итә иде.
Чаллы шәһәре башкарма комитетына табигатьне саклау законнарының мәҗбүри таләпләрен бозуга юл куймау турында кисәтү һәм хокук бозуны бетерү турында таләп белдерелде. Бүгенгә чүплекләр бетерелгән.