Казанда «Ак барс» конкурсында җиңүчеләрнең исемнәре аталды
Казанда «Ак барс» балалар рәсемнәре, кул эшләре һәм постерлар конкурсында җиңүчеләрне бүләкләү тантанасы булды. Чара Казан федераль университетының Э.А.Эверсман исемендәге Зоология һәм гербарий музеенда узды.
«Ак барс» фәнни үзәге һәм Татарстан Экология һәм табигать ресурслары министрлыгы оештырган конкурс Россиянең төрле төбәкләреннән килгән яшь талантларны берләштерде. Жюри хөкеменә Татарстан, Чуашия, Удмуртия, Мордовия һәм Мари Эл мәктәп укучыларыннан 600 эш тәкъдим ителде. 42 эш финалга чыкты, ә 13е төрле номинацияләрдә иң яхшылары дип табылды. Балалар буяулардан, пластилиннан, карандашлардан, ярмалардан һәм башка материаллардан уникаль сәнгать әсәрләре иҗат итеп, фантазияләрен күрсәттеләр.
Бүләкләү тантанасын дәрәҗәле кунаклар үткәрде: ТР экология һәм табигать ресурслары министры Александр Шадриков, «ТАИФ-НК АЗС» ҖЧҖ генераль директоры Илшат Фәттахов, «Нәфис Косметикс» АҖ генераль директоры Динә Лаврикова, «Ак барс» фәнни үзәге директоры Вячеслав Долгов, «СКП «Татнефть − Ак Барс» ҖЧҖ башкаручы директоры Мансур Усманов, ТР Фәннәр академиясенең Экология һәм җир асты байлыкларыннан файдалану проблемалары институты директоры Рифгать Шаһидуллин, «Татспиртпром» АҖнең тышкы коммуникацияләр һәм хакимият органнары белән хезмәттәшлек буенча директоры Анна Исхакова һәм КФУның хокукый эш һәм милек мөнәсәбәтләре буенча проректоры Фәридә Хәмидуллина.
Чараны ачып, экология министры Александр Шадриков журналистларга проектның республика өчен әһәмияте турында сөйләде: «Татарстан ак барс белән шөгыльләнә. 2018 елда без «Экология» илкүләм проектын гамәлгә ашыра башладык, хәзер ул – «Экологик иминлек» илкүләм проекты, анда «Биотөрлелекне саклау» аерым федераль программасы бар. Татарстан инициативасы Россия Табигать министрлыгы тарафыннан хупланды һәм без бу федераль программага ак барс үзәген төзү проекты белән кердек». Ул билгеләп үткәнчә, ТР Рәисе Рөстәм Миңнеханов һәм «Татнефть» компаниясе ярдәме белән Алтайда Ак барс үзәге төзелгән, ул дөньяда иң яхшы фәнни үзәкләрнең берсе. «Бүгенге конкурс балалар арасында экологик белемнәрне популярлаштыруга ярдәм итә», – дип ассызыклады министр.
Татарстан Республикасы Фәннәр академиясенең Экология һәм җир асты байлыкларыннан файдалану проблемалары институты директоры Рифгать Шаһидуллин үзенең сәламләү сүзендә ирбисның Татарстан өчен тирән символикасына игътибар итте: «Ирбис – безнең республика символы. Ак барс гербта безгә ата-бабаларыбыздан килгән мифик җан иясе итеп сурәтләнгән. Ул көч, намуслылык, бәйсезлек, туган җирне саклауны гәүдәләндерә. Ак барс Татарстанны традицияләрне хөрмәт итеп кенә калмый, киләчәккә дә ышаныч белән карый торган төбәк буларак гәүдәләндерә».
Иң яшь катнашучыларга бүләкләр тапшырганда, КФУ проректоры Фәридә Хәмидуллина болай дип билгеләде: «Дөрес, без балаларны бу бәйрәмгә җәлеп итәбез. Планетаны саклап калу бурычыбыз, шуңа күрә балалар алдында безнең җаваплылык зур».
«ТАИФ-НК АЗС» ҖЧҖ генераль директоры Илшат Фәттахов, җиңүчеләрне бүләкләп, үз чыгышында болай дип сөйләде: «Безнең компания, ТАИФ компаниясе, социаль юнәлешле, әйләнә-тирә мохиткә һәм табигать ресурсларына аерым игътибар биреп, мөһим республика проектларында актив катнаша. Бүген килешүләргә кул кую планлаштырылган, бу бигрәк тә нәкъ менә Ак барс көнендә символикалы. Бары тик уртак тырышлык белән генә без дөньяның бөтен байлыгын саклап кала һәм аны киләчәк буыннарга тапшыра алачакбыз».
«Нәфис Косметикс» АҖ генераль директоры Динә Лаврикова оештыручыларга һәм остазларга рәхмәт белдерде: «Иң элек Татарстан белән турыдан-туры бәйле шундый бәйрәм, Ак барс көне белән котлыйсым килә! Конкурсны оештыручыларга рәхмәт белдерәсем килә, чөнки иң яхшылардан иң яхшысын сайлау – һәрвакыт кыен. Балаларны илһамландырган, юллаган ата-аналарга һәм педагогларга шундый ук зур рәхмәт! Конкурс шундый итеп оештырылган ки, һәрвакыт иң яхшысын сайларга кирәк, шуңа күрә без сайлыйбыз да!»
«Татспиртпром» АҖнең тышкы коммуникацияләр буенча директоры Анна Исхакова яшь катнашучыларга болай дип мөрәҗәгать итте: «Бу конкурс балаларның талантларын гына түгел, аларның табигатебезне саклап калу өчен бердәмлекнең төп бурычын аңлауларын да күрсәтте. Мин конкурста иң яшь катнашучыларга мөрәҗәгать итеп: без планетабыз тормышына зур өлеш кертәбез, һәм без хайваннар дөньясы, аның төрлелеге һәм үсеше өчен җаваплы», – дип әйтәсем килә.
Тантананың кульминациясе булып җиңүчене һәм төп призны – Алтайга «Ак барс» фәнни үзәгенә сәфәр белән бүләкләү булды. Ул Казан шәһәренең 182 нче лицее укучысы Матвей Дарьинга эләкте. Җиңүчегә бүләкне экология министры Александр Шадриков шәхсән үзе тапшырды.
Ул барлык катнашучыларга рәхмәт белдерде: «Без балаларның мавыгуын күрәбез. Ышанам ки, киләчәктә әлеге конкурсның масштабы киңәйтеләчәк. Балаларга табигатькә мәхәббәт тәрбияләгәннәре өчен ата-аналарга һәм педагогларга рәхмәт белдерәсем килә. Мин һәрвакыт әйтеп килдем һәм әйтәм: табигатькә, әйләнә-тирә дөньяга яхшы мөнәсәбәттә булган кешеләр, һичшиксез, кешеләргә дә яхшы мөнәсәбәттә булачак. Сез балаларыгызда игелек тәрбиялисез һәм моның өчен сезгә аеруча зур рәхмәт!»
Конкурс йомгаклары буенча җиңүчеләр:
«Кече категория (1-4 сыйныфлар): кул эшләре» номинациясендә:
3 урын: Аделина Шакирова, 182нче лицей, Казан, «Ак барс» эше;
2 урын: Серафима Гурьянова, 132нче мәктәп, Казан, «Алтай тауларындагы Барсик» эше;
1 урын: Даниил Счастье, Питрәч районы Көек авылының «Алгоритм» лицее, «Барс табигать йөрәгендә» эше.
«Кече категория (1-4 сыйныфлар): рәсем» номинациясендә:
3 урын: Аэлита Мамедова, 133нче лицей, Казан, «Барсиктан сәлам!» эше;
2 урын: Тимур Дәүләтшин, Түбән Кама районының 38 нче лицее, «Татарстанның канатлы яклаучысы» рәсеме;
1 урын: Сәмирә Фәткуллова, Э.З.Фәизов исемендәге Шыгырдан мәктәбе, Чуашстан Республикасыны Батыр районы, «Яшә, ирбис» эше;
«Жюри симпатиясе» махсус бүләге: Радмир Сәлимов, Советлар Союзы Герое Г.К.Камалиев исемендәге лицей, Питрәч районының Яңа Шигали авылы, «Кышкы урманда ак барслар» эше.
«Урта категория (5-9 сыйныфлар)» номинациясендә:
3 урын: Әмир Корумханов, 24нче мәктәп, Казан, «Ак барс» эше;
2 урын: Валерия Меденцова, 64нче мәктәп, Казан, «Ышаныч карашы» эше;
1 урын: Амалия Турпитко, 115нче мәктәп, Казан, «Ак барс портреты» эше;
«Жюри симпатиясе» махсус призы: Рәлинә Әбүбәкәрова, 182 нче лицей, Казан, «Ак барс» эше.
«Өлкән категория (10-11 сыйныфлар)» номинациясендә:
1 урын: Виктория Приходько, 8 нче гимназия, Казан шәһәре, «Ак барс һәм аның дуслары» эше.
«Гран-при» номинациясендә:
Матвей Дарьин, 182 нче лицей, Казан, «Татарстанның матурлыгы һәм куәте» эше. Ул төп призга ия булды – Алтайга «Ак барс» фәнни үзәгенә экскурсия.