Ел башыннан Министрлыкның республика иҗтимагый экокабул итү бүлмәсенә 5100 мөрәҗәгать кергән
Ел башыннан Республика иҗтимагый экологик кабул итү бүлмәсенә 5100 хәбәр килгән. Аларның 4691 – барлык мөрәҗәгатьләрнең 91,9% ы инде хәл ителгән.
Иң күп сораулар Министрлыкның интернет кабул итү бүлмәсендә теркәлгән – 2276. «Мәктәп экопатруле» кушымтасына 1595 хәбәр кабул ителгән. «Халык контроле» системасында 1066 мөрәҗәгать һәм «ПОС» кире элемтә платформасында 163 мөрәҗәгать кергән.
Татарстанлылар еш кына калдыкларны рөхсәтсез ташлауга зарлана – бу 2636 хәбәр (шуларның 1595 «Мәктәп экопатруле» кушымтасы аша кергән). Халык атмосфера һавасының сыйфатына 838 тапкыр, суның сыйфатына 551 тапкыр һәм башка мәсьәләләр буенча 1045 тапкыр шикаять белән мөрәҗәгать иткән. Шулай ук гомумтаралган файдалы казылмалар буенча 40 мөрәҗәгать булган.
Исегезгә төшерик, табигать саклау законнары бозылуның барлык фактлары турында түбәндәге элемтә каналлары аша хәбәр итәргә мөмкин:
- «ПОС» кире элемтә платформасында;
- интернет аша кабул итү системасына: http://eco.tatarstan.ru/rus/priem.htm;
- «Халык контроле» системасындагы «Экология» категориясенә;
- «Я-школьник» кушымтасында («Мәктәп экопатруле» категориясе).