Идел һәм Кама гидроузеллары кышкы саегу шартларында эшкә әзерләнә башлый
Су ресурслары федераль агентлыгы тарафыннан видеоконференцэлемтә режимында Идел-Кама каскады сусаклагычларының эш режимын җайга салу буенча чираттагы ведомствоара эш төркеме утырышы уздырылды.
Татарстан Республикасыннан утырышта Татарстан экология һәм табигать ресурслары министры урынбасары Алмаз Тугушев катнашты.
Анда 2025 елның 11 октябреннән 10 ноябренә кадәр Идел-Кама каскады сусаклагычлары гидроузелларының эш режимын билгеләү мәсьәләсе каралды.
Куйбышев сусаклагычының су дәрәҗәсе 11 сентябрьдән 10 ноябрьгә кадәр тәүлегенә 1,2 см интенсивлык белән түбәнәйгән һәм 8 октябрьгә Казан шәһәре тирәсендә (Югары Ослан гидропосты) БС 51,95 м тәшкил иткән.
11 октябрьдән 10 ноябрьгә кадәр Росводресурсы тарафыннан сусаклагычларның гидроузеллары эшенең түбәндәге режимнары тәкъдим ителде:
Куйбышев сусаклагычлары: Волгоград һәм Сарытау сусаклагычлары гидроузелларының билгеләнгән эш режимын тәэмин итү режимында (агызылу чорына уртача чыгым 5200-5400 куб.м/с);
Түбән Кама: гидроузел плотинасы янындагы өске бьефта су биеклеген 63,0-63,75 м БС тамгаларында тотарга.
Тәкъдим ителә торган чыгымнар вакытында Куйбышев сусаклагычының дәрәҗәсе акрынлап (тәүлегенә 1-1,5 см) түбәнәячәк, бу елның әлеге чорына хас күренеш.
Татарстан Республикасы Экология һәм табигать ресурслары министрлыгы тарафыннан сусаклагычлар гидроузелларының эш режимы буенча тәкъдимнәр хупланды.
Идел-Кама каскады сусаклагычларының эш режимын җайга салу буенча ведомствоара эш төркеменең киләсе утырышы 2025 елның ноябрь аеның беренче ункөнлегендә узачак.