Алексеевск һәм Зәй районнарында нефть продуктлары агуын бетерү буенча комплекслы өйрәнүләр узды
Татарстан Экология һәм табигать ресурслары министрлыгы белгечләре нефтьнең авария хәлендә түгелүе вакытында гамәлләр эзлеклелегенә юнәлдерелгән комплекслы өйрәнүләрдә катнаштылар. Чаралар Алексеевск һәм Зәй районнарында узды. Комиссия составына ТР Экология министрлыгының Идел-Кама һәм Кама аръягы территориаль идарәләре инспекторлары керде.
Алексеевск районында өйрәнүләр «Транснефть-Прикамье» Ромашкино РФУ белгечләре өчен Кама елгасы аша «Әлмәт-Горький-3» магистраль нефть үткәргече участогында үткәрелде. Өйрәнүләрнең риваятьләренә караганда, күләме 1000 куб.м артык булган нефть продуктлары агып чыккан. Чарада 8 авария-коткару хезмәте һәм формирование катнашты. Ике этаплы өйрәнүләр барышында катнашучылар хезмәтләргә хәбәр итү, персоналны эвакуацияләү, территорияне койма белән әйләндереп алу һәм махсус җиһазлар кулланып шартлы агып чыгу очрагын бетерү эшләрен төгәлләделәр.
Зәй районында өйрәнүләр «Елховнефть» нефть-газ табу идарәсе һәм ПАСФ «РегионСпас» ҖЧҖ хезмәткәрләре өчен Нератовка авылындагы Соколки нефть ятмасы территориясендә узды. Монда, риваять буенча, 999 куб.м күләмендәге нефть агып чыккан. Коткару бүлекчәләре нефть продуктларының шартлы агып төшүен локальләштерү һәм бетерү буенча шундый ук чаралар комплексын башкардылар.
Өйрәнүләр нәтиҗәләре буенча комиссия барлык катнашучыларның гамәлләрен «канәгатьләнерлек» дип бәяләде. Үткәрелгән чаралар авария хезмәтләренең нефть һәм нефть продуктлары агып чыгу белән бәйле штаттан тыш хәлләргә оператив җавап бирергә әзер булуын раслады.