Законсыз ком чыгарган өчен хокук бозучы 800 мең сумнан артык түләячәк
Ике судно экологларның позициясен хуплады һәм «Амикрон» ҖЧҖ предприятиесен әйләнә-тирә мохиткә китерелгән зыянны капларга мәҗбүр итте.
Элегрәк ТР Экология министрлыгына Түбән Кама шәһәрендә яшәүчеләрдән җир асты байлыкларыннан үз белдеге белән файдалану турында мөрәҗәгатьләр кергән иде. Кама аръягы идарәсе инспекторлары күчмә тикшерү уздырды, аның барышында санкцияләнмәгән карьер ачыкланды.
Кагыйдә бозуның гомуми мәйданы 1 064 кв.м тәшкил итә, карьерның күләме – 2 926 куб.м.
Ачыкланганча, «Амикрон» ҖЧҖ предприятиесе рөхсәт документациясеннән башка ком чыгарган.
Инспекторлар туфракка китерелгән зыян күләмен 815 мең сум дәрәҗәсендә исәпләп чыгардылар.
Хокук бозучы зыянны ирекле рәвештә каплаудан баш тартты. Экологлар Татарстан Республикасы Арбитраж судына дәгъва гаризасы юлладылар. Суд Министрлык позициясен хуплады.
Әмма хокук бозучы кабул ителгән карар белән килешмәде һәм Унберенче арбитраж апелляция судына апелляция шикаятен бирде. Суд шикаятьне канәгатьләндермичә калдырды.