Ике ай эчендә Татарстанда «Чиста һава» операциясе кысаларында 2667 автомобиль тикшерелде
Татарстан Республикасында Татарстан Республикасы буенча Эчке эшләр министрлыгының Дәүләт автоиспекциясе белән берлектә автотранспорт чараларында пычраткыч матдәләрнең артык булу очракларын ачыклау буенча «Чиста һава» операциясе дәвам итә.
1 июньнән экологлар тарафыннан 2667 автотранспорт чарасы тикшерелде:
2331 җиңел автомобиль
142 йөк автомобиле
194 автобус
52 автотранспорт чарасында (43 җиңел һәм 6 йөк автомобиле, 3 автобус) арттыру ачыкланды, бу тикшерелгән машиналарның гомуми санының 1,9% өлешен тәшкил итә.
Тикшерүләр Татарстанның 23 районында уза. Мәсәлән, Кама буе идарәсе инспекторлары тарафыннан Чаллы шәһәренең Тула-1 постында 1 июньнән 400 автомобиль тикшерелде, аларның 9ында чыккан газларында углерод оксидының артуы ачыкланды.
Министрлык хезмәткәрләре атмосфера һавасын саклау өлкәсендә законнарның мәҗбүри таләпләрен бозуга юл куймау турында автотранспорт чаралары хуҗалары белән аңлату эшләре алып баралар һәм административ хокук бозу турында беркетмәләр төзиләр.
Исегезгә төшерәбез, «Чиста һава» операциясе «Экологик иминлек» илкүләм проектына ярдәм йөзеннән үткәрелә. Тикшерүләр 30 сентябрьгә кадәр дәвам итәчәк.