Бүген РФ экология министры урынбасары Максим Корольков, ТР экология министры Александр Шадриков белән берлектә, Казан шәһәренең биологик чистарту корылмаларының ләм кырларын рекультивацияләү эшләренең барышы белән танышты

2025 елның 2 августы, шимбә

«Экологик иминлек» илкүләм проектының «Россия суы» федераль проекты кысаларында гамәлгә ашырыла торган рекультивация проекты Идел елгасына куркыныч тудыра торган әйләнә-тирә мохиткә тупланган зыян объектларын бетерү буенча масштаблы эшләрне үз эченә ала. Хәзерге вакытта объектта 87 кеше һәм 25 берәмлек техника эшли, шул исәптән экскаваторлар, бульдозерлар, үзбушаткычлар һәм җир снарядлары да.

Эшләрнең төп этапларына шпунтны чумдыру (планлаштырылган күләмнең 93% үтәлгән), дренаж системасын монтажлау (80%) керә. Геотубны тутыру ел ахырына планлаштырылган гомуми күләмнең якынча 77% өлешен тәшкил итә.

Бүгенгә объект 91,84% дәрәҗәсендә әзер.