"Россиянең су байлыклары (җәй) – 2025" Бөтенроссия фотоконкурсына Россиянең 78 төбәгеннән 2,5 мең эш килгән
Су ресурслары федераль агентлыгының Бөтенроссия фотоконкурсының җәйге сезонына йомгак ясалды. Иҗади бәйгедә Россиянең 78 төбәгеннән 421 фотограф катнашкан, алар жюри хөкеменә 2,5 меңгә якын эш тәкъдим иткән.
Конкурс географиясе үзенең масштаблылыгы белән таң калдыра – Калининград өлкәсеннән Чукотка автоном округына кадәр. Катнашучылар арасында – Россиянең яңа төбәкләрендә яшәүчеләр, шулай ук моңа кадәр конкурсның кышкы сезонында катнашкан фотографлар.
Катнашучылар алдында илебезнең су объектларының күптөрлелеген һәм уникаль матурлыгын чагылдыру бурычы тора иде. Конкурс ике номинациядә үткәрелә: «Инфраструктурадагы су объектлары» һәм «Табигатьтәге су объектлары». Фотографлар объективларына кыргый табигатьнең мәһабәт пейзажлары да, су объектларының шәһәр ландшафтлары белән гармонияле ярашу күренешләре дә эләккән. Фотога төшерүнең иң популяр объектлары Байкал күле һәм Идел елгасы булган.
"Инфраструктурадагы су объектлары" номинациясендә җиңүчеләр:
- 1 урын: Антон Тананыкин (Барнаул, Алтай крае) – Новодевичье буаларыннан кадр өчен
- 2 урын: Елена Ильясова (Уфа, Башкортстан Республикасы) - «Тургояк күле» фотосы өчен
- 3 нче урын : Дарья Симакина (Абакан, Хакасия Республикасы) - Ениисей елгасында Майн сусаклагычын төшергән өчен
Махсус бүләк: Яна Мордвинцева (Мәскәү) - Сылва елгасы һәм Ак күл фотосурәтләре өчен
"Табигатьтәге су объектлары" номинациясендә җиңүчеләр:
- 1 урын: Илья Бунин (Сочи, Краснодар крае) - Дуккин күлләре, Алибек, Хоста һәм Дукка елгалары фотографияләре сериясе өчен
- 2 урын : Дарья Жуланова (Егорьевск, Мәскәү өлкәсе) - Истринский сусаклагычын төшергән өчен
- 3 нче урын: Евгений Перфильев (Якутск, Саха Республикасы (Якутия)) - Лена һәм Катунь елгалары фотосурәтләре өчен
Махсус бүләк: Егор Ставер (Ломоносов, Санкт-Петербург) - Ляппяярви күле һәм Төньяк Двина елгасы кадрлары өчен
Җиңүчеләрнең эшләрен Росводресурсы фотобанкы тулыландырачак һәм Агентлыкның рәсми сайтында һәм социаль челтәрләрендә тәкъдим ителәчәк, ә авторлар истәлекле бүләкләр алачак.
"Россиянең су байлыклары" икенче Бөтенроссия фотоконкурсы "Экологик иминлек" илкүләм проектына ярдәм йөзеннән үткәрелә. Аның төп максаты – җәмәгатьчелек игътибарын Россия су ресурсларыннан сак файдалану мәсьәләләренә җәлеп итү һәм үз эшләрендә илебезнең су объектларының матурлыгын һәм әһәмиятен чагылдырган талантлы фотографларга ярдәм итү.
Исегезгә төшерәбез, конкурсның беренче кышкы сезонында 1,4 меңнән артык фотоэш тәкъдим ителгән, ә 7 фотограф җиңүче булган.